На денот кога Македонската православна црква си спомнува за својот молитвен заштитник пред Бога - СВ. КЛИМЕНТ ОХРИДСКИ, Архиепископот охридски и македонски г.г. Стефан во сослужение на митрополитите Струмички г. Наум, Повардарски г. Агатангел, Европски г. Пимен, Тетовско - гостиварски г. Јосиф отслужија Архиерејска Литургија во Соборниот храм Св. Климент Охридски во Скопје. Во своето пригодно слово пред присутните верници Митрополитот г. Пимен рече: „Патрон не значи само покровител, застапник или заштитник, и не само учител или наставник, туку и кум, духовен родител и раководител, кој нè раѓа и расте во Христа; а тоа е вистинско предание кое ни го довери свети Климент со своето дејствување однатре, преку преобразување, а никако надворешно со осудување“.

prevzemeno od spe.org.mk