Свети Георгиј Кратовски




На 24.02.2017 година, на празникот на Свети Георгиј Кратовски, во храмот на свети Георгиј Кратовски во Кратово се богослужеше Света Златоустова архиерејска литургија на која чиноначалствуваше Високопреосветениот Митрополит Преспанско-пелагониски и администратор Австралиско-новозеландски г. Петар во сослужение со Високопреосветените Митрополити Европски г. Пимен, Тетовско-гостиварски г. Јосиф и Кумановско-осоговски г. д-р Јосиф. Верниот народ на литургијата се причести со Светите Христови Тајни.

По завршувањето на Литургијата, на градскиот плоштад во Кратово беше осветен славскиот колач.

За несебичното залагање и афирмација на МПЦ-ОА, Светиот архиерејски синод на МПЦ-ОА го одликуваше градоначалникот на Општина Кратово, г. Мите Андоновски, со највисокото одликување во МПЦ-ОА, Орден на свети Климент Охридски од прв ред.