АРХИЕПИСКОПОТ СТЕФАН СЕ СРЕТНА СО ПОКЛОНИЦИ ОД РОМАНИЈА
На 28.4.2026 г., во манастирот „Св. Пантелејмон“ во с. Горно Нерези, Неговото Блаженство, Архиепископот Охридски и Македонски г. г. Стефан, во придружба на Неговото Високопреосвештенство Митрополитот Тетовско-гостиварски г. Јосиф, оствари средба со поклоничка група од сестринската Романска Православна Црква.
Поклоничката група беше предводена од Неговото Високопреосвештенство, Митрополитот на Молдова и Буковина и Архиепископ на Јаши, г. Теофан, во придружба на Неговото Преосвештенство, Викарниот Епископ г. Никифор. Во составот на групата беа присутни и игумените и игумениите на манастирите во рамките на Митрополијата на Јаши.
Денес, во претпладневните часови, групата ги посети храмовите: „Св. Димитриј Солунски“, „Рождество на Пресвета Богородица“ и Соборниот храм „Св. Климент Охридски“ во Скопје, а потоа и манастирите: „Св. Андреј“ и „Пресвета Богородица“ на Матка.
prevzemeno od:https://mpc-spe.mk/arhiepiskop/aktivnosti/poklonicka-grupa-od-romanija-sredba-na-arhiepiskopot/