ЛИТУРГИЈА ВО ХРАМОТ „СВ. ВМЧ. ДИМИТРИЈ“
На 8.11.2025 година, кога Црквата го празнува споменот на св. вмч. Димитриј Солунски – Митровден, Неговото Блаженство, Архиепископот Охридски и Македонски г. г. Стефан, во сослужение со Неговото Високопреосвештенство, Митрополитот Тетовско-гостиварски г. Јосиф, богослужеше Светата Божествена Литургија во храмот „Св. вмч. Димитриј“ во Скопје.
На Литургијата во чин протојереј беше ракопроизведен јерејот Александар Несторовски, а во чин ѓакон беше ракоположен чтецот Марјан Нешевски.