Десетгодишен јубилеј на Архиепископот и митрополит Нишки г. Арсениј

30.08.2024 Во Соборниот храм посветен на ,,Слегување на св. Дух на апостолите" во Ниш-Р. Србија, Архиепископот и митрополит Нишки г. Арсениј кој го одбележа својот десетгодишен јубилеј од својата служба, чиноначалствуваше на светата литургија во сослужение на Митрополитот Тетовско-гостиварски г Јосиф, г. Никанор Архиепископ вршачки и Митрополит банатски, г. Пахомиј Архиепископ и Митрополит врањски, г. Јован Архиепископ крагуевски и Митрополит шумадиски, г. Игнатиј Архиепископ пожаревачки и Митрополит браничевски, г. Давид Архиепископ и Митрополит крушевачки, г. Иларион Архиепископ ромулиско-зајечарски и Митрополит тимочки, г. Никодим Архиепископ задарско-шибенички и Митрополит далматински и Преосветените епископи г. Исихиј Епископ ваљевски, г. Јеротеј Епископ шабачки, г. Јустин Епископ париски и западно европски, г. Нектариј Епископ јегарски и избран за лондонски и велико- британско-ирски и г. Дамаскин Епископ мохачки. После литургијата, Митрополитот Тетовско-гостиварски г. Јосиф се обрати со поздравно слово до Архиепископот и Митрополит Нишки г. Арсениј, и честитајќи му, му подари за спомен на неговиот јубилеј пригодни подароци, посакувајќи му уште долги години служба на нивата Господова во слава Божја, пренесувајќи ги поздравот и честитката од Архиепископот Охридски и Македонски г. г. Стефан.