Св. пророк Илија - Илинден

02.08.2022- Св.пророк Илија - Илинден во храмот пресвета Богородица - Гостивар, надлежниот митрополит Тетовско-гостиварски г. Јосиф богослужеше света литургија. По литургијата беше отслужен парастос за сите кои се упокоиле за одбрана на нашата вера и татковина- Македонија.Митрополитот г. Јосиф изговори пригодна беседа говорејќи за празникот честитајки го големиот национален празник Илинден, а секако и црковниот спомен на Светиот славен Пророк Илија. По завршувањето на Литургијата, беше прочитано и Илинденското послание, испратено од Неговото Блаженство Архиепископот Охридски и Македонски г.г. Стефан, заедно со членовите на Светиот архиерејски синод на Македонската православна црква - Охридска архиепископија.