Собор на светите славни и сефални 12 апостоли - Петровден

12.07.2025 Денот кога го прославуваме празникот Собор на светите славни и сефални 12 апостоли-Петровден, во храмот „Св. Кирил и Методиј"-Тетово, беше отслужена света архиерејска Литургија на која чиноначалствуваше Неговото Блаженство Архиепископот Охридски и Македонски г. г. Стефан во сослужение на надлежниот митрополит Тетовско-гостиварски г. Јосиф, епископот Стобиски г. Јаков, архимандритот Георгиј-новоизбран митрополит Дебарско-кичевски, архимандритот Агатон, протоереј-ставрофор Синиша Ристовски, протоереј-ставрофор Марјанчо Мадевски, протоереј Дарко Наумовски, протоереј Трпе Богојески, протоереј Илија Сламков,  ереј Вељанчо Огненовски, протоѓакон Александар Димитријов и ѓакон Живомир Јосифоски. На литургијата верниот народ се причести со Светите Тајни. Покрај празничната радост по повод празникот Петровден, друг повод за радост беше и 100 годишнината од осветувањето  на Соборниот храм ,,св. Кирил и Методиј”, кој токму на празникот Петровден во 1925 бил и осветен овој велелепен храм. Своја боговдахновена беседа по повод празникот и јубилејот од осветувањето на храмот изрече Архиепископот Охридски и Македонски г. г. Стефан.