,,Св. 40 Севастиски маченици" – Младенци - МПЦ

22.03.2025 На празникот ,,Св. 40 Севастиски маченици" – Младенци, во Соборниот храм „Успение на Пресвета Богородица“- Гостивар беше отслужена света архиерејска Василиева Литургија, на која чиноначалствуваше Неговото Високопреосвештенство Митрополитот Европски г. Пимен во сослужение на Митрополитот Брегалнички г. Иларион и надлежниот Митрополит Тетовско-гостиварски г. Јосиф. На Литургијата верниот народ се причести со Светите Христови Тајни. Митрополитот г. Пимен на крајот од Литургијата се обрати кон верниот народ со пригодна беседа.