На 10.11.2026 г. во манастирот „Св. Наум Охридски“ во Радишани беше отворен музејот посветен на блаженоупокоениот Архиепископ Охридски и Македонски Гаврил.
Настанот започна со Панихида на гробот на блаженоупокоениот Архиепископ, која ја отслужи Неговото Блаженство, Архиепископот Охридски и Македонски г.г. Стефан, во сослужение со Неговото Високопреосвештенство, Митрополитот Тетовско-гостиварски г. Јосиф.
По Панихидата свечено беше отворен музејот, каде што пригодни обраќања имаа Архиепископот Стефан, директорката на Комисијата за односи со верските заедници и религиозните групи г-ѓа Оливера Трајковска и проф. д-р Ацо Гиревски.
На свеченоста присуствуваа и бројни гости, меѓу кои заменик претседателот на Владата за политички систем г. Љупчо Димовски, градоначалникот на Општина Бутел г. Дарко Костовски, претставници на останатите верски заедници во Македонија, свештенство и верен народ.
Новоотворениот музеј претставува траен сведок за животот, делото и духовното наследство на Архиепископот Гаврил, пренесувајќи ги неговите духовни плодови на идните генерации.
prevzemeno od : https://mpc-spe.mk/arhiepiskop/aktivnosti/gavril-muzej-2026/
prevzemeno od : https://mpc-spe.mk/arhiepiskop/aktivnosti/gavril-muzej-2026/