Наречение на новоизбраниот архијереј Дебарско-кичевски, архимандритот Георгиј
На 12.7.2025 година, кога Православната Црква го празнува споменот на светите апостоли Петар и Павле – Петровден, во манастирот „Св. Климент Охридски и св. вмч. Пантелејмон“ на Плаошник, во Охрид, беше извршен чинот Наречение на новоизбраниот архијереј Дебарско-кичевски – архимандритот Георгиј. На Наречението чиноначалствуваше Неговото Блаженство, Архиепископот Охридски и Македонски г.г. Стефан, во сослужение со членови на Светиот архијерејски синод на Македонската Православна Црква – Охридска Архиепископија.
По завршувањето на овој свечен чин следуваше заедничка Воскресна вечерна богослужба, на која началствуваше архимандритот Георгиј.
izvor:https://liturgija.mk/aktuelno/mpc/narechenie-na-novoizbraniot-arhijerej-debarsko-kichevski-arhimandritot-georgij/