ПРОСЛАВА НА СВЕТИ КЛИМЕНТ ВО СОБОРНИОТ ХРАМ
На 8.12.2024 година, денот во кој Црквата го прославува празникот на заштитникот на Македонската Православна Црква – Охридска Архиепископија, свети Климент Охридски, Неговото Блаженство, Архиепископот Охридски и Македонски г. г. Стефан чиноначалствуваше со Божествена Литургија во Соборниот храм ,,Свети Климент Охридски” во Скопје. На Архиепископот му сослужуваа Митрополитите: Повардарски г. Агатангел, Тетовско-гостиварски г. Јосиф и Кумановско-осоговски г. Григориј, како и Епископот Дељадровско-илинденски г. Јоаким.
На самиот крај, празничната беседа ја прозинесе Митрополитот Јосиф.
Многубојниот светиклиментов верен народ се причести со светите Христови дарови.